Mihi
Korōria tonu ki te runga rawa!
Kia tau tonu ōna manaakitanga maha ki runga i a Kiingi Tūheitia me te Kāhui Ariki nui tonu!
Ki runga, hoki, i a Te Tumu, o te Whare Ariki o Tūwharetoa!
Ka huri, anō, ngā whakaaro ki ngā mate o te wā - takoto mai koutou, moe mai, haere, haere, haere!
Kaati! Rātou ki a rātou, tātou ki a tātou!
Tuia i runga, tuia i raro! Tuia i roto, tuia i waho!
Tuia tātou - ngā mana, ngā reo, ngā kārangatanga maha, mai i te rohe o Taranaki, whiti atu ki te rohe o te waka o Te Arawa, peke atu ki te rohe o te waka o Mataatua ki Te Moana-a-Toi, huri atu ki Te Tairāwhiti, peke atu ki rohe o Tauranga Moana, tae noa ki te rohe o te waka o Tainui!
Tēnā rā koutou katoa! Koutou ngā kaimahi Māori o te Hauora-a-iwi-Māori whānui!
Ko tēnei te toronga atu i te ringa whakawhānaungatanga ki a koutou katoa, i runga i te tumanako ka whakataungia te kaupapa "Te Mahere Rautaki Hauora - a - Iwi Māori" me āna whai mahi. Ka pā tēnei kaupapa ki te iwi huri noa, huri noa, i tēnei wāhanga o te motu, hei oranga ake ma tātou, ngā Kaimahi Māori, me te iwi whānui!
Ko te tumanako - ka whai whakatutukingia te kaupapa - kia ea ai anō, te kōrero e kiia ana:
Ko te pae tāwhiti, whaia kia tata! Ko te pae tata, whakamaua kia tina!
Tina!
Haumi e! Hui e!
Taiki e!
Midland Region Maori Health Plan 2008 - 2011
Midland Maori Health Plan Appendices
The Midland DHB group comprises of Tairawhiti, Lakes, Bay of Plenty, Waikato and Taranaki DHBs, which collectively operate within the central North Island, the geographic locality which many view as the powerhouse of Māoridom
